fialka كتب:
اقتباس:
لك حاجة يا رجل ، إذا لكل بني آدم في ألو 4 نسوان لكن ليش شايفين حالهون علينا ؟؟؟؟
هادا لسا كمان ما حكيت عالدهب ... ولييييييييييي و لييييييييي الدهب لحالوا بالمكفى
بعدين أخي باسل مو أنا يلي عم قارن الرجال بالمرأة عاساس الشغل ، هنن يلي عم يقارنوا حالون على هالأساس ، كل شوي و التاني بيقولولك : وين حرية المرأة ؟ المرأة ما عم تاخد دورها بالمجتمع ( يعني شحاد و مشارط
) لازم تشتغل متلها متل الرجل ، هيك هنن بيحكوا ...
و نعم أنا إلى حدٍ ما من مؤيدي بقاء المرأة بالبيت ( طبعاً في حالات ممكن اتساعد جوزها بالشغل يعني متل هالإيام ، الشب لا يستطيع فتح بيت لحالو ، و كمان إذا كانت مطلقة أو أرملة )
بالفعل اخي الكريم الزواج هو تشارك ( الله يبعتلي شي شراكة ، آآآآآآآمييين ) و كما قلت أن يجب أن يكون هناك إشراف من قبل الزوج على الزوجة في صرف أموالها ، و لكن ماذا تفعل إذا قالتلك :
أنت ما دخلك أنا عم اشتغل من شان ما أطلب شي منك و تسألني ليش سييييييدي خليها على الله الشغلة ، جيل و العياذ بالله
عشو شايفين حالهن؟؟؟ معلش انت عن مين قصدك..؟؟ الام او الاخت او الابنة؟؟ او الجارة و الزوجة ؟؟ ما فهمت؟؟؟
المجتمع بيفرض شي و نحن رغبتنا شي و التوفيق بين التنين بيكون صعب و الا اذا كان لصالح احد الطرفين اما الرغبة الذاتية او رغبة المجتمع.. يلي بقصدو انو بظل الاوقات يلي منعيشها الواحد لازم يكون قد حالو ..و الشب خاصة !
و الذهب هاد شرط و دليل اثبات كفاءة الرجل و استحقاقو للزوجة (مفهوم جوهري) و لكن هلق اكتر الابهات و الاهالي بيستخدمو حجة الذهب لسببين, مفاخرة قدام العالم و مشان يأمن حالو و باقي الاولاد هاد اذا بدو يجوز ابنو بعد ما يخلص من بنتو
...
و ممكن توضحلنا شو المطلقة و الارملة؟؟ جد بهمني افهم قبل ما علق؟؟؟يلي لاحظتو انو الذكر بلش يطالب بالمساواة
بتمنى افهم منك اكتر تامر
شكرا انكم فتحتوا باب النقاش الحار
هلأ مو شايفين حالهون بالمعنى الصريح ، و لكن هي طبيعة الأنثى بتحب اتبين أنها مو سألانة على الرجال و ما كتير قاتلة حالها على الزواج و أنا مقصدي هنا المرأة قبل الزواج يعني لا الأم و لا الأخت و لا العمة و .....
يا أختي الذهب مهم جداً بالنسبة للرجل ، لأنو تكلفة زائدة على تكاليف الزواج ، لا يجوز برأيي أنو بقال نطلبه من العريس كفرض قبل الزواج ، يعني بالزور الرجل عم يسعى لحتى يجيب البيت كمان لازم ذهب و الله حرام
طيب معليش اسمعتي بالقرآن أو السنة أو الإنجيل أنو لازم يجيب العريس للعروس دهب قبل الزواج
هي بدعة اخترعها الناس ، و اسمحيلي القول أنو أجدادنا هنن يلي اخترعوها و بالتالي نحن نطبق المقولة التي جاءت بالقرآن بما معناه ( هذا ما وجدنا عليه آباؤنا ) و لكن أنا لا أستطيع القول أني لن أطالب زوج ابنتي أو أختي بالذهب حتى لا يقال ( أبصر ليش ما بدهن ذهب ، يمكن عاملتلها البنت عملة و بدهن يستروا عليها )
بعدين ممكن الرجال يشتري ذهب قبل الزواج و يبيعوا بعد الزواج غصباً على المرأة و لا أحد يستطيع أن يعارضه بذلك ، هل هذا يعني أنو الرجل ذو كفاءة ؟
و أنا قصدي بالمطلقة التي تأخر زواجها بعد ما طلقت لمفاهيم سيئة تصدر بحقها من قبل المجتمع الفاسد فهي بحاجة إلى العناية بنفسها من طبابة و طعام و ملبس و غير ذلك إذا كان لا أحد يساعدها من قبل إخوتها أو أقاربها أو ....
و كذلك بالنسبة للأرملة التي لا يوجد لديها ما يكفي لإطعام أولادها و لا أحد يساعدها على ذلك
انتظر منك الرد
سلام
قائمة المنتديات » بنات ديجيت » عن النساء
